胡定欣 喺社交平台分享自己重遊西班牙嘅靚相，佢表示上月中同老公一齊去到巴塞隆拿，見證傳奇建築物聖家堂嘅興建。
定欣話2011年係自己遊覽巴塞隆拿，無諗過15年後會重遊舊地，兼且身邊多咗另一半同行。而更有意義嘅係，今年剛好係設計聖家堂嘅傳奇建築大師高第逝世一百週年紀念，同時亦係最高嘅主塔「耶穌基督塔」正式落成封頂之年。
定欣喺社交平台晒出多張聖家堂內嘅照片，當然唔少得自己當年於聖家堂外嘅自拍照，以及如今同老公一齊於同一地方嘅合照啦，定欣喺帖文中寫道：「五月中重遊西班牙Barcelona, 再次參觀經歷超過140年興建，世界最高教堂聖家堂(Sagrada Família)，真係無諗過15年後重遊，剛好適逢建築大師高第逝世 100 週年紀念，最高主塔「耶穌基督塔」正式落成封頂之年！開心有機會見證呢個傳奇建築物的興建！2011年自己一個去，2026年有另一半+村民們一齊去，嘻嘻～都係一個有意思嘅見證！😜❤️」。
