譚輝智完成紅館演唱會之後，就重投工作出席活動，唔少歌手開完騷都會有後遺症，輝智話自己都唔例外，完騷當晚完全瞓唔到，直至天光先少睡片刻。
工作時間表排得密密麻麻，加上早前為紅館排練令整個人狀態緊張，不過輝智話嚟緊有兩項工作令佢好期待，因為可以當係放假旅行休息，兩項工作分別係月中出外拍攝同月底帶團。
輝智計劃好嚟緊帶自己嘅前世情人孖住去旅行，問到會否擔心囡囡會臨時爽約？佢就話唔擔心，因為囡囡只係怕人多地方，唔係怕到佢出街。輝智又講到每日都同囡囡玩心靈戰，每次返到屋企都會先攬囝囝，令囡囡有呷醋感覺去緊張自己，不過佢都承認囡囡偏愛媽咪。
