台灣藝人 賈靜雯 呢日出席一個珠寶活動，家中有三位千金嘅佢，笑言想將兩隻手上嘅首飾都帶晒返屋企畀囡囡，佢仲笑言自己對佢哋都係公平嘅，只要自己有有咩，女兒們都會有，因為呢個係佢購物嘅動力。
賈靜雯又指三個女兒當中，細女係比較貪靚，鍾意閃令令嘅嘢，而另外兩個就比較有個性。講到暑假將至，賈靜雯就話已經安排好適合佢哋事情喇。
而曾經演賈靜雯女兒嘅 王淨 ，呢日就係活動上同「媽媽」碰頭，兩人一見面就把握時間傾偈，搞到旁邊嘅 施柏宇 有啲尷尬。露出小蠻腰嘅王淨，話本身打算出席活動前練一練馬甲線，可惜因為早前感冒，令佢嘅計劃告吹喇。
