黃翠如 同 洪永城 相隔7年再聯手拍攝嘅旅遊節目《走過歷史大地》，喺星期一晚（15日）正式首播，今次節目創新加入AI效果，翠如同Tony事前都花足功夫為節目中自己嘅AI角色配音。首集內容係佢哋帶住大家從西元前2500年嘅埃及去到2026年，再以AI將時空穿連一齊。
翠如喺首集播出後，立即喺網上收集大家觀後感：「我和TONY都很想知道，大家喜歡真人還是AI，第一次拍旅遊節目，可以有咁多造型。」
網民紛紛湧入留言，大部份人都鍾意睇真人多過AI，不過喺講歷史嘅角度，觀眾覺得感覺新穎，透過AI穿越時空，令大家對歷史內容睇得有趣味。亦有人大讚翠如真人靚過AI，而Tony就AI版大隻啲。
《走過歷史大地》星期一至五晚 21:30 翡翠台