TVB航空題材劇集《飛常日誌II》播出後大受歡迎，馬國明、高海寧（高Ling） 、周嘉洛同戴祖儀呢日現身《一周星星》傾吓偈，一向被公認係圈中好男人嘅馬國明，無論喺工作同夫妻生活都係咁順得人㗎！
嘉洛話好鍾意同馬明開工，皆因馬明喺行內出晒名係點都得，譬如拍攝走位為咗遷就攝影機，動作有少少違反人體工學，馬明都會照做！
馬明就爆喺老婆湯洛雯心目中係好旅伴，話自己係結合揸車、攞嘢同付錢神器。高Ling笑言靚湯幫馬明買衫，係叫馬明企定定，拼一拼啱身就買，完全聽晒老婆話，馬明更即場曬幸福，話着緊嗰條衫都係老婆買……想知更多詳情，就要留意6月21號（星期日）晚上10點05分於翡翠台播出嘅《一周星星》。
myTV SUPER重溫《一周星星》精彩內容
《一周星星》星期日晚 22:05 翡翠台
