吳大強 張祟德 涂家堯 日前現身一個以父親為主題嘅活動。張祟德嘅一對仔女雖然已經長大成人，不過一家人嘅感情依舊良好。Peter認為係同太太為小朋友自細開始建立互信，同埋夫妻都大量投放時間喺小朋友度，所以先會建立出緊密關係。Peter更透露，直到而家阿仔、阿女都會喺瞓前同佢一齊傾偈、一齊祈禱，就係想令佢哋知道有唔開心嘅嘢都可以講、講完就過咗，可以開心迎接新一日。
唔少人都覺得對媽咪表達愛意會容易啲，反而對住爸爸會較被動，涂家堯都認同呢個講法，佢話細個就覺得爸爸係咩都識，任何事都搵爸爸幫手，但情緒輸出就偏向媽媽。大強指，家中四個仔打破「內斂」，會用唔同方式表達愛，自發嘅表白都令佢好開心。
