而喺日前播出嘅第五次公演中，Grace就同冬奧冠軍王濛合作演出，二人以一黑一白配搭嘅造型亮相，身穿白色紗裙嘅Grace同以黑西裝示人嘅王濛合唱情歌，深情對望同挽手互動嘅橋段充滿故事感，令唔少觀眾都將佢哋組成CP，有人笑指Grace要「再嫁」、「Grace應該要將三個小朋友送到北京跟王濛學運動。」
但亦有人喺Grace老公鄭嘉穎嘅社交平台留言講笑，重提嘉穎參加《披荊斬棘3》時，第一輪即被淘汰嘅往事。結果有網民發現自己疑似被嘉穎踢入黑名單做「封鎖」處理，令「鄭嘉穎破防了」相關話題衝上平台熱搜，仲有人認為嘉穎「小氣」、「冇風度」。
而喺6月23號，亦即係Grace嘅35歲生日，佢就出Post霸氣護夫，表示：「如果是別人拉黑我可能會信，但要說鄭嘉穎破防拉黑，我是不信的。因為……他對社群媒體的使用熟練度還遠遠不夠哈哈。」仲話要同老公以及三個囝囝享受假期兼慶祝生日，Grace嘅回應被讚極高情商，而且大方得體，用幽默化解尷尬。隨後Grace亦連環及慶生文章，除咗全家福，亦喺限時動態Post出一張挨住老公膊頭，二人同生日蛋糕合照嘅相片，非常Sweet！
