「大美人」李嘉欣啱啱過去嘅6月20號迎接56歲生日，整個月嘉欣都有唔少慶生聚會，不過最難忘就肯定係同老公許晉亨度過。
日前嘉欣喺社交平台分享同老公嘅頭貼頭合照甜蜜放閃。雖然已經踏入美魔女年紀，但保養得宜嘅佢依然維持凍齡肌膚，加上一頭淺色金髮就令佢睇落更顯年輕，加上一雙修長嘅筷子腿都顯得特別吸睛。而另一個重點，就係網民發現嘉欣隨手一放嘅手袋係至少價值12萬嘅名牌限量袋，有人仲留言話：「個袋要我半年人工。」
嘉欣亦喺日前分享另一場生日聚會嘅靚相，老友林恬兒、柳王明淇等名媛。從圖中可見，佢哋相約喺高級餐廳，除咗有生日壽桃，仲有兩人為壽星女準備嘅生日蛋糕及兩大紥鮮花。可見嘉欣同一眾閨密友誼深厚！
