《2026香港小姐競選》踏入第二日，12位候選佳麗呢日換上泳裝拍攝，雖然當地有天雨同濃霧，不過仍無阻一眾佳麗嘅自信美態，分別以黃色泳衣喺鏡頭前努力展現最靚一面。今屆一半佳麗身高逾1.7米，其中8號鄧匡閔 Ada身高更有174cm，而4號 譚雅文 Tiffany身高亦達173cm，佢亦被大家認為線條最結實。
呢日所見12位佳麗體態不俗，估計加強線條同去水腫就可以應付比賽，不過11號 顏懿菲 Agnes 就認為自己太骨感而需要增肥加磅呀。至於2號 李澤欣 Scarlett就唔太滿意自己線條，話會加強運動補救呀。3號 李澄晴 Chorie 就縑腳部線條爭少少，譚雅文就話自己要再減少水腫情況喇。
呢日拍攝時晴時雨，不過大家都努力保持最佳狀態，12號 湯家琳 Caris 就認為天雨幫到手，因為大太陽可能會仲辛苦，10號 陳梓穎 Cecilia亦都話，陰天之下大家嘅眼神都會更加明顯喇。
大家接受三位師姐 馮盈盈 黃嘉雯 仲有 陳懿德 嘅問答環節考反應，不過面對三位其實心情非常緊張，加上要答IQ題腦筋急轉彎就真係難喇，佢哋仲話會把握機會請教師姐對答技巧咁話。
