TVB Plus嘅旅行節目《自然系女子旅行3》將於6月25號首播，呢日節目嘅四位主持 林映暉 梁超怡 葉靖儀 及 黃瀅仴 就接受 TVB娛樂新聞台 嘅《StarTalk》訪問，佢哋會分別帶觀眾遊韓國濟州及台東等地，介紹特色地貌同擁抱自然景觀，幾位當然唔少得着比堅尼暢泳同浸溫泉啦！
擁有魔鬼身材嘅暉哥，仲喺節目中毫不吝嗇大解放，佢指自己第一次同超怡合作，心情既興奮又期待同怕羞，因為對方身材實在太好，而自己就好肥，點知喺佢隔離嘅超怡就指住暉哥上身話：「講呢啲」搞到暉哥都尷尬大叫，仲話因為自己有少少肚腩仔，所以見到超怡咁瘦佢都好羨慕。超怡就讚暉哥好活潑講好多嘢，所以佢哋就好快熟絡咗。
葉靖儀同黃瀅仴就為咗台東嘅溫泉之旅，準備咗多套清爽型泳衣出鏡，兩人首度合作就要應付咁香艷嘅畫面，葉靖儀指拍節目前瀅仴有同佢講好緊張，因為佢係首次喺鏡頭前以泳裝示人，而葉靖儀就話雖然自己選港姐時着過，但心裡面都係有啲緊張，佢仲透露節目中兩人要浸喺一個好細嘅浴缸中，葉靖儀笑言雖然同一位靚女共浴，但都難免緊張。
而家好興抽卡，節目亦為四位主持推出水感變幻卡，只要用水一噴，就會現出四位主持嘅泳裝照，絕對值得粉絲們入手收藏呀！
《自然系女子旅行3》6月25號起 星期四晚 22:05 、星期五晚 22:00 TVB PLus