《2026香港小姐競選》湖南外景繼續展現12位候選佳麗各種美態，泳裝環節後，一眾候選佳麗換上華服登場，三位師姐馮盈盈、黃嘉雯及陳懿德亦化身形象指導，為師妹挑選合適嘅服裝，呢日眾佳麗喺鏡頭前落力表現，經過師姐調教，眾人更添自信。
馮盈盈讚一眾師妹充滿青春活力，黃嘉雯同陳懿德亦各自分享穿衣心得，盡量建議佢哋唔好撞色，聽取師姐們建議下，候選佳麗都搵到自己滿意嘅造型，散發仙氣優雅氣質，佢哋頭先去到邊，都吸引唔少市民及旅客圍觀及影相。
馮盈盈組嘅3號李澄晴覺得呢個係好特別嘅體驗，5號魏欣同10號陳梓穎都係首次着上漢服，佢都好恨拍古裝劇；9號周芳姿讚一身紅綠對比色好特別。
黃嘉雯組喺配色方面好有心思，讚候選佳麗揀紅綠藍係TVB顏色，4號譚雅文話本身係鍾意藍色，8號鄧匡閔原來都鍾意藍色，二人以包剪揼決勝負，8號鄧匡閔最終讚咗第二鍾意嘅綠色，6號盧蔚晴就喜歡紅色，而11號顏懿菲就話自己着粉紅色係代表大家對TVB滿滿的愛，佢哋4位候選佳麗仲一齊講We Love TVB。
陳懿德組就帶領師妹上演宮心計，一齊化身妃子，2號李澤欣更撞樣TVB花旦陳自瑤，佢覺得對方係靚女，大家覺得二人似樣，李澤欣都好開心，陳懿德話見大家着上華服後，自覺有危機，有感皇上「寵幸」佢哋多，好在大家都係好姊妹，彼此互相支持，陳懿德笑指唔知皇上係邊個，自己都未見過。
