TVB全新處境劇《愛‧回家之三代同糖》將於8月隆重登場，由羅永賢Marco監製，馬俊縈編審，馬俊縈、謝浩洋、潘逸豪執行監製，逢周一至五晚八點翡翠台播映。官方本月初率先公布《三代同糖》三位唱得又Talk得嘅女主角，分別係車婉婉、吳若希及憑主持《唱錢》人氣急升嘅李茵彤（Desta）。今日公布餘下四名演員何依婷、趙浚承、侯雋熙Duncan及李偉健。
李偉健喺《愛‧回家之開心速遞》飾演龍力王（Terry）大受歡迎，於在《三代同糖》將繼續用自己英文名Terry，角色中文名則為曹嘉驄，於劇中飾演「唐曹嘉冰」車婉婉細佬，Terry升呢「舅公」，對親手湊大嘅外甥孫女「唐芯」李茵彤疼愛有加，經常成為三位女人「鬥嘴」嘅磨心。李偉健喺《三代同糖》貫徹招牌「單純」、「搞笑」、「樂天知足」性格，更係充滿童心嘅熱血業餘漫畫家，意味著Terry將繼續於新劇大展身手「畫漫畫」。
李偉健曾係漫畫雜誌《CO-CO!》人氣漫畫家，連載多個作品包括「三十六計」、「爆笑西遊記」、「爆笑足球場」及長篇處境漫畫「校園大英雄」；成為藝人亦出過兩部作品，「娛樂圈愛回帶1、2」，曾擔任展翅漫畫班導師8年。另外於《愛‧回家之八時入席》其中一集，為配合劇情，Terry曾繪畫「嘉莉的餐牌」，及後為過《愛‧回家之開心速遞》其中一集畫「走佬公主」插圖漫畫。
趙浚承（Gary）首度拍劇即擔正處境劇男主角，本身係男子組合Square前成員，Gary去年憑《中年好聲音3》人氣急升、唱歌實力獲肯定。根據官方之前發布宣傳稿，《三代同糖》其中一個賣點係三位女主角都係唱得之人，婉婉與外孫女Desta更有唔少Jam歌機會，足見「音樂元素」喺《三代同糖》頗為重要。
Gary喺《三代同糖》中飾演楊帆，雖然外表人畜無害、但深明「黑紅都係紅」嘅佢，為咗流量不擇手段，係出名出手快狠準嘅營銷魔術師，於劇中將與吳若希喺職場上有多番拉鋸及衝突，二人飾演歡喜冤家關係。
《聲夢2》畢業生、Plan V成員侯雋熙（Duncan）同樣擁有歌唱實力，之前參演過TVB劇集《臥底嬌娃》，以及主持《唱錢》逐步成功入屋，Duncan飾演Gary親弟弟楊光Dex，與楊帆相反，Dex外表兇悍，內在卻係百分百傻氣憨直暖男，對哥哥機關算盡嘅性格極為不滿，最後更因種種原因，會與吳若希攜手對抗Gary。
Duncan絕對係新生代藝人潛力股，本身擁有古典鋼琴演奏級資格，中學就讀皇仁書院，及後畢業於英國Surrey University（薩里大學）音樂系。Duncan出道後逐步開始嘗試作曲填詞，並不時喺社交網分享自彈自唱片段，早於參賽《聲夢2》時，已有「鋼琴王子」稱號，而Duncan亦擅長游水同跳Hip Hop，又喜歡所有球類運動，動靜皆宜。
，與劇中閨蜜吳若希「時敵時友」，關係撲朔迷離。劇中飾演能幹職場心機女嘅依婷，入行前亦係金融界人才，依婷當年以一級榮譽畢業於香港城市大學商學院，主修資訊系統學系環球商業系統管理課程，在學期間曾獲得獎學金，及獲得到美國史丹福大學、英國列斯大學及中國上海復旦大學作交換生機會，入行前曾任職安永會計師事務所金融服務顧問。
《三代同糖》係一部關於「女性覺醒」、「世代火花」及「AI衝擊」嘅都市輕喜劇。劇情講述唐曹嘉冰（車婉婉飾）突然「覺醒」，並由加拿大飛返香港「進駐」單親媽咪女兒唐萬里／Lesley（吳若希飾）住所，決心搵番失落嘅時光及初戀感覺……原來當年阿冰曾因Lesley堅持要生咗女兒唐芯（李茵彤飾）徹底鬧僵，如今阿冰突然無預警殺入及擾亂Lesley生活，並與投契嘅外孫女唐芯聯手「夾攻」阿冰，令原本平靜嘅「唐家」掀起連番風雲……同一時間，單親媽咪Lesley又喺工作上迎嚟極大危機，事業家庭同時告急，Lesley到底會如何自處？
