黎耀祥 同 麥長青 主持嘅節目《江湖見》第二季將於6月29號起，逢星期一至五夜晚9點半於翡翠台播出，今次繼續有祥仔同麥包帶觀眾走遍大江南北，佢哋仲邀請四位經典古裝劇主角： 米雪 、 呂頌賢 、 陳浩民 同 樊少皇 ，一齊走訪同角色相關嘅著名地標，香港電視史上第一代黃蓉米雪就去咗遊桃花島，祥仔同麥包都大讚島上有米雪即刻增添美艷。
myTV SUPER重溫《江湖見》第一輯精彩內容
喺《笑傲江湖》中飾演 令狐沖 嘅恆山派掌門人 呂頌賢，就去到真正嘅懸空寺拍攝，憶起同以前拍劇時嘅古裝街及馬鞍山取景有天壤之別，令佢大開眼界。
呂頌賢已經移居內地多年，難得再拍香港節目，佢話感覺好親切，未來有機會都希望可以多啲返香港開工，不過最緊要都係照顧好自己身體，因為佢上年突然病倒昏迷多日，搞到屋企人同影迷都好擔心。
呂頌賢憶述當時昏迷幾日身上插晒喉搶救，笑言自己情況就好似《妙手仁心》中嘅病人一樣，因為瞓咗唔識驚，最難過係老婆同身邊親友，並解釋當時係受細菌入侵所致，瞓醒後望見自己瘦得只有50多KG都嚇一跳，經過一段時間休養現時已回復狀態。
《江湖見》第二季 6月29號起，逢星期一至五 21:30 翡翠台
