韓國人氣男團 XODIAC 嘅小分隊 X-UNIT，去年翻唱經典韓劇《花樣男子》嘅OST《Because I'm stupid》掀起全球「回憶殺」後人氣再度飆升。近日包括兩位香港實力代表 SING（麥駿昇） 同LEO（李傲賢），以及韓籍總隊長 LEX 與主音隊長 HYUNSIK 四位核心成員，特意旋風式訪港，舉行記者會，吸引大批「X-BLISS」逼爆商場，場面震撼！
當日四位成員一登場就引發全場尖叫，而為回饋大家熱情支持，X-UNIT就為大家獻唱《Your Voice》。之後又同幸運歌迷近距離互動，與Fans零距離合力玩遊戲。成員亦大方分享最新動向同私下趣事。好似LEX就話：「最近XODIAC正式 Comeback，主打歌叫《Phantom Fire》。我們最近都非常積極參與韓國各大電視台打歌舞台宣傳，希望香港粉絲們可以多多支持我們的新歌 ！」
而港籍成員SING就話：「今次最想爭取時間陪屋企人，難得返嚟香港，最想同佢哋去商場行街食飯！」今次難得同韓國隊友返家鄉，成員LEO指寓工作於娛樂非常興奮，仲大讚舉行活動嘅住新商場場地，主音隊長HYUNSIK更指已經列好「購物清單」，迫不及待要喺香港消費：「回韓國前還要大買香港特色手信，送給XODIAC其他沒能過來的隊員！」
