即將接棒《開心速遞》上場嘅最新一輯《愛．回家之三代同糖》，呢日一眾主要演員齊齊以劇中造型亮相同大家見面，當中主演 車婉婉 吳若希 同 李茵彤 三代一齊出現，不過要承接播映已久嘅《開心速遞》，就連過往已演過兩輯《皆大歡喜》嘅佢一樣話有壓力，仲非常緊張呀。
雖然新劇暫時仲考開工，不過故事中同婉婉關係麻麻嘅Jinny，就話已經準備好點同媽咪鬥嘴，仲話要培養定又愛又恨嘅心情「迎戰」。而婉婉曾提過佢會有一位唔少人員都非常期待嘅對手，不過呢日就詐型，指角色係返港追尋初戀，點知到今日就連影都唔見，惟有同觀眾一齊期待咁話。
而男演員方面， 李偉健 將繼續參演之外， 關曜儁 將演Jinny老公、 趙浚承 則係Jinny死對頭，Gary仲話為方便開工，唔止要搬近公司，仲忍痛減少同太太囝囝見面呀。Gary指花唔少時間及氹老婆呀。
另外 周志康 容天佑 同 潘靜文 等都會加入劇組，大家都對有份加入非常開心，大家都對劇中嘅故事同角色發揮笑料非常期待呀。
