改編自真實案件嘅新劇《非份之罪》，將由6月29日起，逢星期一至五晚八點半翡翠台播映，新劇搵到好戲之人嘅吳啟華回巢擔正再次飾演醫生，有貝安琪飾演其妻，喺劇裡面仲有戴祖儀同游嘉欣做佢阿女，但阿女有啲反叛，搞到啟華哥好頭痕。
吳啟華解釋喺劇裡面做嚴父，訂立好多家規，細路女長大後就有啲反叛。大女「康嘉嵐」戴祖儀經常頂撞爸爸、細女「康嘉儀」游嘉欣喺爸爸面前比較乖啲，佢哋異口同聲話今次同吳啟華呢位資深大前輩合作，佢哋細個睇吳啟華做醫生，大個做埋佢個女，簡直好似發夢咁。
游游呢次同朱敏瀚有好多談情戲份，話可以同朱仔做對手戲都好開心，游游仲話8歲開始就睇朱仔演戲，冇諗過有一日做到佢女朋友呢個角色，令游游感到好榮幸。
新劇《非份之罪》以六宗駭人聽聞嘅案件組成，鄧智堅同賴慰玲有份演其中一個單元「石棺禁戀」，鄧智堅預告與葉靖儀演床上戲，又話二人係冇身體接觸，呢個題材仲係案件一個不在場證據，故事真係幾撲朔迷離！
《非份之罪》 星期一至五晚 20:30 翡翠台