99年港姐冠軍 郭羨妮 2011年同內地武術指導 朱少傑 結婚，翌年誕下愛女朱家愛（Kylie)，一家人幸福滿瀉。一轉眼囡囡Kylie已經14歲，成為亭亭玉立嘅小美人，Sonija鮮有喺社交平台上載囡囡抱住愛貓嘅近照，旋即成為網民焦點。
相中所見Kylie完美遺傳媽咪高顏值基因，除咗有一副精緻嘅瓜子面同清秀嘅五官之外，更擁有一頭順滑帶啡嘅秀髮，散發住陣陣少女味。唔少網民都留言大讚Kylie係最美星二代，「囡囡同媽咪一樣咁靚」、「天啊﹗完全是媽咪的美女基因」、「叫你女大學畢業後去選港姐﹗好有冠軍相」、「又靚又有氣質的美女」。
早年Sonija接受訪問時，曾經講過唔反對囡囡加入娛樂圈，會比囡囡自由發展，不過現階段只希望囡囡可以專注讀書。講到學業，Sonija嘅囡囡曾經喺小學時入讀傳統名校，但因為學習壓力太大，令Sonija極心痛，而決定幫佢轉讀國際學校，Sonija果斷嘅決定，令Kylie得以放低壓力健康成長。
