譚輝智、顏志恒同龍婷喺回歸日入馬場擔任表演嘉賓，輝智先後唱出《香港歡迎你》、《獅子山下》兩首經典金曲，更與著名男高音張英席合唱《東方之珠》，獲大批粉絲熱情支持。
輝智嚟緊暑假計劃好外遊，準備與愛女享受二人世界，仲話由老婆陀住阿女嗰陣已有呢個諗法，好想兩父女去一個地方，唔好被人阻住。輝智笑稱阿女喺幾個前都話唔想，仲問點解唔係一家人出發，輝智只好話佢哋去旅行可以任買，平時老婆唔畀做，輝智今次都畀阿女做，阿女嘅 心情由拒絕變成期待。
顏志恒呢日連唱兩首偶像許志安嘅金曲，嚟緊佢有一個音樂劇要同兩個囝囝一齊排練，自己拎咗長假期，一來要綵排、二來都想喺暑假陪吓小朋友，完成音樂劇後，就同家人去內地玩吓。
龍婷日前喺播出嘅《中年好聲音4》助力賽，疑喺評審肥媽宣布雷小雷被淘汰時，龍婷表情管理惹嚟爭議，呢日龍婷鄭重澄清當時絕無黑心偷笑。
