林德信可愛女兒林明經已兩歲大，Alex不時喺社交平台分享同囡囡互動畫面，近日Alex太太Candance就無預警下分享同囡囡合照，仲騷出孕肚宣布懷第二胎呢個開心嘅消息。
Alex再次做人父開心之餘，相信媽咪吳正元，同爸爸林子祥及葉蒨文都喜上眉梢，因為又抱多個孫。阿Lam同莎莉日前喺上海開騷，Alex同太太及囡囡林明當然現身捧場。
楊紫瓊出道時接拍首部電影《貓頭鷹與小飛象》時，曾跟阿Lam合作，呢次楊紫瓊仲專登帶媽咪入場睇騷，阿Lam得知老友捧場，獻唱電影主題曲《誰能明白我》，台上仲播放42年前電影片段，楊紫瓊喺台下見到時，忍唔住感動到雙眼通紅，而阿Lam就喺台上話：「妳仲係如此年輕美麗，光彩動人，充滿活力。」
