47歲廖碧兒近年專心打理旗下紅酒及咖啡生意，努力做獨當一面嘅女強人，近日被爆佢疑有新歡，喺入會費高達130萬港元嘅私人會所「九龍塘會」密會，盛傳廖碧兒新歡係70歲前東華三院主席、百億富商呂禮章，二人年紀相差23年，網民發現廖碧兒曾喺社交平台高調曬與呂禮章嘅合照。
廖碧兒上載嘅相片可見佢哋交情匪淺，呂禮章出席酒會時企喺廖碧兒身邊，面對鏡頭時更笑逐顏開，二人舉手投足，並唔似普通朋友。有傳廖碧兒同呂禮章對飲食及紅酒講究，志趣相投，加上男方商界閱歷，為廖碧兒近年餐飲生意開拓市場提供強大助力。
呂禮章曾迎娶前港姐顧樂儀，兩人育有三名子女，顧樂儀婚後淡出娛樂圈，專心相夫教子，顧樂儀於2015年不敵癌魔離世，呂禮章喺妻子患病期間不離不棄，妻子離世後更喺東華三院特別設立「樂儀癌病治療資助基金」，以遺愛人間方式紀念亡妻。出身富裕慈善家族嘅呂禮章，家族喺慈善界舉足輕重，東華三院旗下「呂馮鳳幼稚園」係以呂禮章母親名字命名。呂禮章係執業建築顧問，同時身兼多間上市公司董事，獲特區政府委任為太平紳士及城市規劃委員會成員。
