林秀怡7月5號踏入35歲生日，連日嚟秀怡喺電視城都收到生日驚喜，好似佢拍攝全新健康節目《重症解密》時，就獲 譚俊彥、 陳曉華、 梁凱晴、 蘇恩磁 同節目組一齊送上蛋糕、乳豬慶祝生日，最幸福嘅係秀怡嘅導演男朋友阿政都喺現場，佢話：「頭先導演叫我坐埋一邊拍大頭，我仲好開心以為有大頭，原來係想畀驚喜我。」
蘇Auntie專登買糕蛋入廠送俾秀怡，兩人相識多年，關係親如家人。秀怡亦趁機感激蘇Auntie嘅愛錫，仲話每年生日都會收到對方嘅利是。
問到男朋友阿政對佢嘅生日有咩安排？秀怡就似乎有啲投訴，因為男友將於4號啟程去巴黎工作，所以正日冇男友喺身邊，蘇Auntie即提醒秀怡要包包做手信兼生日禮物，秀怡即如夢初醒話好提議。
