張與辰為自己有份參與設計嘅腕錶拍攝宣傳照，由構思到見到製成品，與辰都話覺得好有滿足感。八足咁多爪嘅與辰，之前就因身體不適入咗醫院，令人非常擔心，好彩與辰話而家身體康復得七七八八，辰粉們都可以鬆一口氣。
與辰博命工作之餘，都要照顧好自己嘅身體，佢話諗返起當日唔舒服時，顧慮咗一陣唔知講唔講畀大家知，因為佢唔想令大家關心，但聯想到需要出席一個桂林活動，若果因病缺席，令大家更擔心，所以決定公開入院。
有好嘅身體，先可以行更遠嘅路，接更多唔同嘅job，好似之前與辰就重返中聲舞台，力撐大馬同鄉選手尤淑情。與辰話兩人相識多年，因為當年尤淑情參加歌唱比賽，已結下不解緣。
重溫《中聲4》激烈比賽過程
