TVB職藝員一向樂善好施，無論係幕前定幕後都有一顆善心同行。滕麗名、龔嘉欣、張曦雯同張與辰為TVB愛心基金拍攝宣傳片，同時分享吓佢哋跟義工隊一齊助人嘅感受，阿滕每次行善時都有種非筆墨能形容嘅快樂，所以佢都想拉埋《愛‧回家》嘅家人一齊組隊帶小朋友行山，共同為社會貢獻。講到心目中嘅人選，佢話一定係金成安周嘉洛，因為嘉洛夠活力，又受老友記及小朋友喜愛。
與辰馬來西亞嘅粉絲集合捐出三萬一千蚊俾TVB愛心基金行善，與辰覺得大家自動自覺嘅行為令佢好感動，因為一班人嘅力量必定比一個人力量更大。
嘉欣每次去探訪長者時都做足準備，事前仲會特別去練好連串舊歌氹班老友記開心，又花盡心思準備好健身操，隨時可以教老友記學習。
一講到去探吓啲公公婆婆，Kelly都好雀躍，仲話自己喺呢方面好識搞氣氛，因為跟老友記相處就同小朋友一樣，講笑話氹佢哋開心便足夠。
