蘇志燮返娘家接拍動作戲 朱相昱初嘗被打感覺吃力

蘇志燮相隔多時再拍動作戲，主演改編自大熱網絡漫畫嘅新劇，劇中蘇志燮飾演一個隱姓埋名嘅超級特務，為咗尋找女兒而孤軍奮戰。

蘇志燮今次雖然要挑戰連場動作戲，一啲都唔容易，不過佢就話心情上好輕鬆，因為今次佢重返出道時嘅電視台拍攝，感覺如返娘家，加上自己第一部做主角嘅劇集都喺呢個台參演，所以好多回憶，感覺良好。

近期曝光率好高嘅崔代勳同尹敬浩喺劇中飾演蘇志燮嘅老友，而朱相昱就係蘇志燮嘅死對頭，二人仲有好多對打場口。朱相昱話今次係首次被打，仲要有好多動作場口，佢話被打感覺吃力同辛苦，不過都演得過癮開心。