早前宣佈舉行入行逾30年首次個唱嘅 古天樂 ，門票不論優先訂票定及公開發售均被秒殺全部售罄，古仔嘅首次個唱引發全城熱話，無論巴士站定隧道口大型廣告都可以見到佢嘅蹤影。主辦單位仲宣布，古仔香港紅館主場騷之後，會乘勝追擊加開澳門站，8月29同30日兩日將跨海到澳門連開兩場演出！
古仔雖然於早前記者會幽默表示個唱「夠用就得，唔需要加『長』」，不過因大批Fans撲飛失敗大失所望，主辦單位同古仔商討後，落實以最快速度衝出香港，率先過大海滿足更多樂迷。首度辦個人騷並將演出帶到澳門嘅古仔仲話：「真係估唔到大家反應咁熱烈，亦冇諗過自己今次會以歌手身份唱到過大海，8月澳門見！」
