《中年好聲音4》今個星期日（5日）播映「盲盒選歌」，邀得陳松伶任嘉賓評審，鏡頭前明艷照人，56歲松松鏡頭後曬出生活日常照，卻被指臉部因脂肪流失，顯露出歲月痕跡。
陳松伶日前喺社交平台曬出與年輕8歲嘅演員老公張鐸甜蜜合照，見二人頭貼頭共嚐一支玫瑰花造型嘅甜筒，結婚多年仍然恩愛如昔。相中可見陳松伶雖然笑容燦爛，眼神難掩疲憊感，顯露出歲月痕跡。
陳松伶早年步入中年後新陳代謝減慢，出現幸福微胖體態，陳松伶自2022年起為咗健康與重拾自信，透過嚴格運動及核心訓練決心減肥，瘦身歷程不僅讓身形大幅改變，陳松伶昔日包包臉完全消失，臉頰變得瘦削。唔少粉絲見佢重塑少女般嘅體態，亦擔心其減重過度，不時提醒松松要注意健康。
