已經到12強階段嘅《中年好聲音4》戰況越來越激烈，各位選手今集將會以盲盒揀歌方式決戰，以關鍵字揀選出戰歌曲， 其中 尤淑情 見到音域廣闊Keyword就即刻開盒，結果揀到巫啟賢嘅《太傻》，事後佢仲話呢首難度高嘅作品對佢而言既驚喜又興奮，仲指早前曾經考慮以呢首歌出戰，今次好似天注定要佢唱呢首歌咁呀。
而 周志康 就選擇另一盲盒，最後開出Eason嘅《天下無雙》，佢就同孖生哥哥 周志文 隔空對唱，非常感人，而 陳旭培 就抽到克勤嘅《回首》。
今集客席評判邀請到 陳松伶 ，仲有知音人 賈思樂 同 黃子雄 在席，松松就大讚參賽者嘅表現極佳，仲話唔想淘汰佢哋任何一個，可惜賽制所限，但認為每一位都非常投入，仲形容比賽好似睇演唱會一樣呀。
《中年好聲音4》星期日晚 20:00 翡翠台