《非份之罪》懸疑奇案首個單元就邀請 吳啟華 重返TVB，佢同飾演佢老婆嘅 貝安琪 仲有兩位囡囡 戴祖儀 以及 游嘉欣 為新劇掀起序幕，故事中Joey角色身亡，為父嘅啟華失控爆喊，令游游同Ankie都於鏡頭後偷師學嘢。
myTV SUPER重溫香港泯滅人性奇案
啟華受訪時就指，雖然演戲已久，不過每次喊戲都係挑戰，更不時會喊唔出，但係如果劇本好自己就會易入戲投入角色，自然就事半功倍咁話。再次重返TVB又再演醫生角色嘅啟華，令佢「程志美醫生」嘅經典回憶返晒嚟，佢仲笑言估計係大家睇醫生已經係唔舒服，所以希望醫生形象似佢過往角色養吓眼都好咁話。
游游就指睇完劇本早早就裝備好自己參演，盡量將故事內容演好，亦趁機會向前輩學習呀。而Ankie雖然中文麻麻，不過就有朋友同媽咪幫忙研究劇本，好好了解故事先可以更深入演繹角色呀。
《非份之罪》星期一至五晚 20:30 翡翠台