葉振棠 作客《Sing光路上》與主播 潘盈慧 分享音樂歷程。棠哥年過80仍不言休，嚟緊仲會開騷以歌會友，佢話因為自己同歌迷嘅緣份未盡，所以會繼續唱。今次繼續搵嚟龍婷擔任嘉賓，除咗因為對方聲靚歌甜，因為佢哋有條合唱片，喺網上有二百萬點擊，好受歡迎。
棠哥未曾受過正式歌唱訓練，只係參加過詩班，中學階段曾同有錢嘅同學組樂隊，之前就夥拍陳潔靈出道，繼而有幸獲唱片公司賞識，給予機會獻唱劇集歌曲。
棠哥計算自己唱過約二十首劇集歌曲，亦係唯一一位唱過三間電視台劇集主題曲嘅歌手。當初獻唱英文歌為主嘅棠哥，承認轉唱廣東歌時，腔口及唱法要花好多時間鍛鍊，過程都非常艱辛，幸好自己係一位愛接受別人意見嘅人，從而邊唱邊學。
