到底校長譚詠麟 睇咩要睇到吹晒口哨？《一周星星》搵返當年校長同 Do姐鄭裕玲 喺劇集《天虹》中嘅吻戲出嚟，校長睇到嘩嘩晒，之後仲驕傲咁話自己先過發哥 周潤發 奪去Do姐嘅螢幕初吻！
myTV SUPER重溫《一周星星》精彩內容
校長同主持 黎芷珊 由螢幕初吻講到吻戲，佢仲話自己以前拍嘅MV有三分一都有吻戲，校長仲話拍呢啲戲份好辛苦，因為係將導演嘅心聲轉嫁到佢身上付諸實行，從而滿足佢哋嘅期望，搞到芷珊都忍唔住講句「辛苦你喇」。
雖然當年拍唔少MV，但校長就話自己當時唔識拍戲無演技，直到去台灣拍戲時，經常殺罵被導演執錯處先慢慢改善，佢仲自嘲話：「仲話去拍文藝片，仲文藝片小生喎，邊鬼度識呀！」至於有歌迷問到會唔會做導演，拍返套關於自己嘅回憶錄？校長話相信自己做導演冇問題，但係而家唔會去做喇，不過佢就做咗首歌送畀歌迷，話畀佢哋知，好多時大家為佢做嘅嘢，佢都係知道嘅。
《一周星星》星期日晚 22:05 翡翠台