江湖盛傳，整個演藝圈演唱會有「提詞機」呢樣發明，就係因為 譚校長 本尊記性麻麻而成。呢次佢就笑言因為自己而令業界增加唔少工作機會，校長話因為自己多年來歌曲多如沙數，要記熟所有歌詞實在唔易，仲巧妙咁未正式面回應芷珊嘅追問。
myTV SUPER重溫《一周星星》精彩內容
佢仲形容提詞機有如平安鐘，純粹求個安心，認真風趣。而唔少老友都有心底話想同佢分享，好似 黃日華 就問到，可以享福時點解仲要做過百場巡迴呢？佢就指完全唔覺辛苦，仲認為同大家一齊開心投入演出，係自己嘅一份責任咁話。
而不時同佢一齊馳騁綠茵場嘅隊友，就認為佢多年來活力不減，不論係球場定牌桌上，大家都唔夠佢精力充沛，仲分享同後輩間嘅相處方式，點樣可以同大家打成一片呀。
《一周星星》星期日晚 22:05 翡翠台