除咗喺球場或者半山有機會遇到 譚校長 之外，其實九龍嘅金魚街亦係校長經常會流連嘅地方，呢日佢就帶住 黎芷珊 一齊遊覽，仲話要帶大家同「劉松仁」見面，身為地膽嘅佢同樣以為食聞名，呢日一經過小食檔就獲老闆即場餵食喇。
原來此松哥非彼松哥，係金魚街校長經常幫襯到成為老友嘅魚店老闆，兩人仲熟稔到見面傾馬經多過討論靚魚。
話晒有外號食物焚化爐，行完街佢又帶住芷珊姐姐去飲茶，全世界美食都食勻嘅校長仲話，如果只可以揀一樣，佢一定會揀香港知名嘅雲吞麵，咪睇一碗麵咁簡單，其實功夫非常講究，亦係文化所在。
為今次終極演篇演唱會巡迴，校長早已開始準備，仲提到今次演出後會減少工作，不過一定會守住早年向歌迷唱到80歲嘅承諾。
《一周星星》星期日晚 22:05 翡翠台