陳⼦聰 監製， 何超儀 （Josie Ho）領銜主演，彭⽒兄弟執導嘅超⾃然犯罪驚悚動作⽚《拾荒法師》，日前於韓國富川電影節舉⾏全球⾸映，吸引⼤批影迷入場，逾300座位嘅放映廳座無虛席，影⽚結束後，沉浸喺故事嘅奇幻與震撼中嘅觀眾掌聲雷動。
何超其後率領主創團隊出席大師班，與來⾃世界各地嘅影評⼈同⽂化界⼈⼠同觀眾深入交流。Josie分享拍攝過程中最艱辛嘅⼀場，結局一段垃圾⼭追逐打⾾場⾯，佢話：「那⼀場戲完全是在真實的垃圾場拍攝，所有道具都是堆積如⼭的真垃圾，」
佢回憶指當晚係⼀場雨中打⾾戲，劇組以多部⽔⾞噴⽔製造⼤雨滂沱效果，地⾯佈滿污⽔，混雜碎⽯、碎玻璃同鐵釘，佢同男主⾓ 陳家樂 喺泥濘中奔跑追逐、與奸⾓ 張⽂杰 激烈對打，⼀不⼩⼼就可能受傷。
「為了達到最佳效果，我來回奔跑多次，整個⼈泡在污⽔裡，頭⼱也浸滿臭⽔。拍完回家後，⾝上那股味道久久不散。」⼀向有潔癖嘅Josie笑⾔，⽚中唔少場景都要同垃圾「同台演出」，連家中場景亦堆滿垃圾。佢仲向導演請求希望⽤劇組準備嘅「乾淨」垃圾，⾄少知道來源自己先安⼼。
而彭發導演則揭秘笑言：「我⼀直告訴她垃圾是假的，其實全是從街上撿回來的真垃圾，只是先消過毒！」Josie知道後後表情無奈，現場觀眾就同大家笑作一團。
⼤師班上，韓國傳媒體與影迷對新⼈Iman嘅表現⾼度評價，讚賞佢⾸次⼤銀幕演出⾃然流暢，現實中嘅Iman溫⽂爾雅，同電影中嘅霸道警官⾓⾊落差極⼤。Josie笑指Iman最近接到健⾝品牌代⾔，所以勤於健⾝、減重同改變髮型，令佢都差啲認唔出。
而Iman就話非常感謝Josie同⼦聰令佢夢想成真，佢又話印象最深⼀場戲，係被Josie⼝中符⽔噴面嘅鏡頭，當日仲係佢⾸日演出，本來以為只係綵排，估唔到導演早已同Josie「串通」，開機捕捉佢措⼿不及嘅真實反應，完美呈現⾃然效果。
⼤師班結束後，戲院外仍有⼤批影迷排隊等待簽名同合照，唔少⽇韓影迷更係Josie忠實Fans，大家仲對⽚中香港場景充滿好奇。⼤會特別安排戲院外場館進⾏簽名會，Josie、Iman同⼦聰耐⼼滿⾜影迷要求，⾜⾜花逾⼀⼩時先完成。
電影節主辦⽅亦特意舉辦After Party，Josie仲驚喜發現獲頒終⾝成就獎嘅法國影后Isabelle Huppert現⾝派對。兩⼈暢談甚歡又交換聯絡⽅式，積極探討合作可能性。
