周星馳 自編自導嘅最新作品《功夫女足》，早前事先張揚將隨時突擊上映後，星期一正式宣布新片鐵定於7月11日公映，同時公佈嘅演出名單當中，亦可見包括主演包括 張小斐 迪麗熱巴 以及男星 張藝興，仲包括香港觀眾熟悉嘅 劉嘉玲 蔡思貝 張繼聰、歐陽靖 (MC Jin)，近年以楝篤笑聞名嘅 歐陽萬成 鄧月平 亦出現名單之中，另外日本男星 佐藤健 同 舞蹈組合 AVANTGARDEY 亦參與其中。
據指《功夫女足》講述「峨眉隊」女子足球隊，以傳統少林功夫融入現代足球，一路逆襲奪冠嘅故事。
除中港日明星陣容之外，據傳新片仲會出現韓國國寶級影帝 宋康昊 出演裁判，而前國家女足球主將 趙麗娜、李佳悅 亦會出演兼擔任技術指導，仲有傳聞指多位《少林足球》成員將客串驚喜現身。