原定星期五就展開三場啟德主場館演唱會最終站嘅 鄭秀文 ，星期一下午透過公司宣佈，因為舞台重要部件出現故障，故決定將三場演出延遲舉行，而Sammi於於聲明發出後，向傳媒發放片段，親自回應延期將改為答謝會，亦各香港與來自其他地方嘅歌迷致歉。
Sammi指自己於星期日中午收到通知，雖然支持同理解公司決定，不過仍對事件感到震驚同失望。Sammi亦同團隊即時決定，將繼續招待持票觀眾於原定時間同日期入場，將三晚改為答謝會，繼續為大家獻唱一個半小時。
只得短短幾日時間安排同籌備面對唔少困難，不過Sammi就於片段中話，會盡所能同團隊一齊為大家安排最佳演出，希望入場觀眾能理解今次事件。
