早前 林漪淇 於電台受訪時，提及早年拍攝劇集嘴戲時，曾被 戴志偉 突然伸脷舌吻，事後對方公開呼冤，仲指事件已影響甚大，更唔介意兩人面對面對質。呢日林漪淇再次現身公開活動，就強調受訪時只係輕鬆分享，並非有意控訴相識多年嘅戴志偉。
佢呢日再提到，佢同 戴志偉 同為藝人高爾夫球隊成員，不時都會同場打波，當日只係重提早年拍戲趣事與點滴，只係輕鬆提名事件，經過傳媒同網上大肆報道後，可能越傳越誇喇。
至於會唔會當面討論，林漪淇就話大家記憶或者有別，只係當時感到唔舒服，不過事隔多年已無乜所謂，再碰面亦唔會覺得尷尬。
而同老公仲有幾位好友歐遊返港無耐嘅 胡定欣 呢日亦有現身，睇落仲似乎豐滿咗，唔知會唔會有喜事公佈呢？定欣就指同丈夫其實冇特別打算，二人世界仲過得非常開心，非常多謝大家嘅關心咁話喇。
而同一活動動仲見到 陳美齡 ，即將又再推出新作嘅佢，今次新書會分享養生之道，仲有唔少貼士同大家分享，大家都不妨跟佢試吓。
