樂隊五月天嘅台北大巨蛋演唱會日前開鑼，首場搵嚟創作才女陳綺貞擔任嘉賓，二人合唱《私奔到月球》、《吉他手》掀起全場尖叫，更獻唱陳綺貞未發表嘅新歌《真的》，令全場觀眾相當驚喜。
阿信同綺貞除咗合唱之外，二人更喺台上深情對話，阿信揭佢哋係靠社交平台聯絡，反被綺貞爆阿信係三日後先回覆訊息。藝人「阿本」翁瑞迪一向係五月天歌迷，第二日嚟撐場，仲帶埋26年前嘅追星照，跟阿信相認，話當年寫咗好多封信，仲填詞畀五月天，希望偶像會用。
嚟到第三場，阿信邀請Energy成員「阿弟」蕭景鴻擔任開場嘉賓，呢晚五子合唱新歌《Alive》炒熱氣氛。