羅蘭 邵音音 同 盧海鵬 一齊現身記者會，出席 姚正菁 復出嘅簽約儀式，而羅蘭姐近年成日被傳同修哥嘅烏龍緋聞，連早前演唱會 張家輝 都玩埋一份，不過羅蘭姐就絲毫唔介意，仲大讚修哥人品非常專一，早年女朋友早已變最愛太太數十載，更強調同修哥夫婦當年感情非常好。
而張家輝雖然多口，不過羅蘭姐就一樣大讚佢乖仔，又不時約自己飲茶。另外，KK張國強一樣成日都帶佢出門食飯見面，令佢非常感恩得兩個後生仔孝順愛錫呀。
而已錄好4首新作嘅姚正菁，之後仲會投入拍攝新戲同短劇，雖然已淡出多年，不過今次就連囡囡都支持佢復出幕前。仲指就算要同舊愛 郭富城 同場合作亦唔會尷尬咁話。
