劉曉彤（阿Belle）2004年低調出嫁嚴姓商人，並喺2006年懷孕後淡出幕前，而阿Belle對另一半身分一向保護有加。不過近日，一位叫「Michael Yen」嘅網民，就喺社交平台分享溫馨家庭福，仲自爆係阿Belle老公！
從Michael分享嘅帖文可見，佢同阿Belle飛到英國出席二女嘅中學畢業典禮，身穿粉紅吊帶裙嘅二女，五官同媽媽非常似，十足餅印一樣，而大女就打扮隨性。身形高大、身穿西裝嘅Michael同阿Belle外形亦相當匹配。Michael唔只感嘆囡囡貶下眼已經中學畢業，變得亭亭玉立，同更感謝二女就讀嘅頂尖私立寄宿女校將囡囡培養成自信同有主見嘅少女。
唔少網民發現合照後，都紛紛留言表示驚訝，仲有人話一開始只係以為人有相似，估唔到真係阿Belle一對，又大讚兩人合襯。而Michael嘅其他社交帳號亦火速被起底，佢嘅學歷背景來頭唔細，被發現喺1991年從英國頂尖學府倫敦帝國學院畢業，現時報稱為「數碼創作者」。但面對網民羨慕有位「富爸爸」係幸福嘅一群人時，Michael謙虛回應：「多謝支持，我盡做啦。我啲仔女自己都好努力㗎。」展現極高情商。
