鹿晗疑遭內地網紅爆床照 眼利網民質疑陷出軌疑雲

內地網紅 司曉迪 ，年初曾自爆同多位人氣男星，包括鹿晗、檀健次、范丞丞、林更新等發生親密關係，事件更一度衝上熱搜居高不下。到7月6號凌晨，司曉迪又再發功，喺社交平台一連曬出十八張相，仲表示：「給你們過2天癮好不好，我就是特別寵愛你們。18張圖如何呢如何呢」其中更有幾張相出現疑似係鹿晗嘅男子，更發文暗示：「他爸媽還給我做早餐。」再度引發熱議。

面對網友質疑相片係經過AI處理，司曉迪火力全開，露骨駁斥：「我愛都做上了，他還在當夢女。」除此之外，司曉迪更Show出一張疑似係二人嘅床照，以及連串對話紀錄。聲稱二人自2023年7月起就維持密切聯繫，自己睇對方演唱會從來無需買飛，更表示鹿晗曾經喺過年時發過8888人民幣嘅過年壓歲錢俾佢。

面對司曉迪嘅連環指控以及發出嚟嘅環境照比對，有網民發現司曉迪曝光嘅客廳磁磚款式同鹿晗自己Post過嘅自家裝修高度相似，加上「咔咔」係鹿晗口頭蟬，亦曾經喺同關曉彤官宣戀情嘅文案用過，加上2023年二人未傳出分手傳聞，認為佢有出軌之嫌

至於鹿晗嘅工作室就沿用年初發表嘅公告，重申已針對網路上涉及鹿晗嘅不實傳聞完成蒐證，後續將依法追究相關人士責任，並提醒外界切勿輕信或散布未經證實消息，以免觸法。但由於全篇回應未正面針對司曉迪嘅爆料，因此令粉絲感到不滿，認為平息到外界質疑。