羅霖、陸詩韻、曾展望出席一個模特兒賽事，GM最近喺新劇《非份之罪》中飾演渣男，呢個突破性嘅演出獲唔少觀眾肯定。GM就話拍呢套劇已經係3年前嘅事，而家睇返當時表現，只可以話合格，因為自己未試過做角色中嘅猥䙝行為，只係睇戲同幻想，如果再有機會做多次，可以做得好啲。
GM仲話角色係佢從影以來挑戰最大，因為性格難揣摩亦有好多動作戲，要多謝武術指導。
羅霖 左眼去年接受白內障晶體置換手術，佢就想同做過呢個手術嘅朋友講，千祈唔好做劇烈運動以及慎重做美容儀器，因為佢試過做完後，隻眼視力模糊以及出現飛蚊症，要即刻去急症，要再做一次激光手術做矯正，直到宜家已經過咗三個月都未好返。
陸詩韻近年轉戰喺內地發展，佢透露目前現正接觸內地嘅短劇、短視頻演出工作，因為始終喺香港嘅出鏡機會少咗，如果有幕前機會，佢都好樂意接觸。
