姚焯菲 同 詹天文 兩位小花最近正式開始暑假，不過就唔代表有得休息，因為佢哋將分別要準備即將來臨嘅個人演唱會，呢日《StarTalk》佢哋就同 王鎮泉 分享準備嘅心情同籌備過程喇。
Windy指於上堂中途知道演唱會確認，令佢既興奮又要故作鎮定，心中情緒更加係激烈翻騰，正式係百般滋味湧現呀。而Chantel得知消息當時正身處紐約，佢仲指開騷嘅日子本來已訂好機票出門，令佢非常焦急又開心，仲即時將好消息同親友分享呀。
要返學同時又兼顧學業，對仍係少女嘅佢哋嚟講的確非常辛苦，可聲Windy於廣州返學，來往香港只係轉眼之間，不過Chantel高中已到紐西蘭升學，大學就轉往美國，不過佢就指當時思鄉不時都致電屋企哭訴，而升大學後同奶爸 李克勤嘅囝囝Ryan成為同學兼好友，仲不時拍片同互相照顧，Chantel仲指事前完全唔知情，更成為自己於當地嘅第一個朋友呀。
少女情懷總是詩，Windy同Chantel就話生活太忙之下難以兼顧戀愛，不過對未來碳想對像條件，Chantel就指一定要EQ高喇。