吳若希 趙浚承 呂喬恩 日前去到貴陽參與一個音樂會，Jinny身穿上一套高衩黑色禮服大騷長腿，相當吸晴。佢哋三位更合唱《紅日》、《海闊天空》等多首經典歌曲炒熱全場氣氛。之後Jinny再換上一套白色貼身長裙，獻唱佢首本名曲《越難越愛》。
Gary將會同Jinny一齊參演全新處境劇《愛‧回家之三代同糖》，首度處男下海挑戰拍劇，Gary都話壓力好大，加上Jinny呢位師姐氣場強大，所以好緊張。不過好彩一齊喺呢個巡演合作，可以有機會熟返少少。而Jinny就話好少同比自己高好多嘅演員合作，令佢有少少驚，好有壓力感。
