朱翁朱維德喺7月8號突然傳出死訊，享年95歲高齡，各界對朱翁嘅離開都心感惋惜。TVB娛樂新聞台聯絡上朱太Hazel，並獲其證實朱翁於7月7號近中午時間，在護老院安詳離世。
對於丈年突然離世，朱太難掩傷感之情，佢憶述噚日（7號）上午如常到護老院探望丈夫，並親自餵朱翁用饍，期間朱翁突然對住佢笑逐顏開，並發出笑聲，呢個久違嘅畫面令朱太感愕然，但下一秒朱翁便入睡再無反應。
朱太表示朱翁近四年因為認知障礙症而入住護老院，身體狀況慢慢轉差，直至最近半年，朱翁開始認唔到人，甚至連朱太都認唔到。談到朱翁嘅遺願，朱太指丈夫冇特別遺願，而朱翁身後事已辦理當中，將會以簡單形式舉辦。
