謝賢 同 狄波拉 嘅愛女 謝婷婷，近日罕有公開混血兒Brooklyn Milne嘅正面樣，眨吓眼經已一歲嘅佢，完全遺傳咗爹地媽咪嘅優良基因，眼大大非常可愛，靚仔程度不遜於舅父 謝霆鋒。
婷婷誕下大女Sara就離港定居加拿大，生活保持低調嘅佢，去年為外藉丈夫Mathew誕下混血兒。為咗慶祝愛兒一歲日子，一家四口就自駕遊公路旅行。雖然婷婷公開愛兒靚仔樣，但對七歲大嘅愛囡Sara，仍然非常保護，未有公開容貎。
除咗喺限時動態公開囝囝個可愛樣外，婷婷仲PO出一年前與老公Mathew Milne嘅結婚相，當時挺住巨肚嘅婷婷，與Mathew喺森林中嘅海邊交換戒指，而囡囡Sara則在旁充當花女，婷婷喺帖文中大放閃光彈：「Year One. ♾️The four of us. 🤍」仲寫上「I Love You So Much」嘅短寫，Tag埋老公，真係Sweet到爆！
