新劇《非份之罪》啱啱播完第二個單元故事《石棺禁戀》，賴慰玲、吳沚默同蔡誌恩嘅悲情三角戀，再加上 鄧智堅 嘅奸詐陰險，令觀眾睇得相當緊張。
鏡頭後嘅花絮片，同樣為觀眾帶嚟難忘搞笑回憶，好似奶仔 方紹聰 向 鄧智堅 同 唐嘉麟 交待犯罪計劃時，就誤將CCTV講成CCTVB，頓時令智堅同嘉麟變成一大個問號，繼而失笑。
賴慰玲 急於為男友死因尋找真凶時，又因為太入戲而不停食螺絲失笑。至於好戲之人智堅同 葉靖儀 扮綁架案時，就老貓燒鬚，將手上索帶反轉咗綁唔到手，因而要NG。
《非份之罪》星期一至五晚 20:30 翡翠台