慈善節目《明愛暖萬心》將於7月11日舉行，一眾有份參與行善嘅藝人，包括 周吉佩、 車婉婉、 丁子朗、 冼靖峰、 戴祖儀、魔音女團 等齊齊宣傳宣揚愛心。婉婉今次會回歸歌手身份同吉吉一齊合唱，帶出傳承意義，婉婉指就快要投入處境劇拍攝，開工前把握時間同囝囝BBQ去旅行，珍惜親子時間。
戴祖儀好開心有扮加入主持行列，會積極向前輩 汪明荃 同 鄧梓峰 學嘢，另外丁丁同Archie就會與魔音女團演出，戴祖儀即質問Archie捐咗幾多錢先換呢個合作演出機會。
魔音女團正式出道，佢哋會喺節目中跳唱，仲以新組合名「MYNT」亮相，背後意思係「Zero to One」，代表佢哋由零，再努力變成一。今次佢哋仲會有新衫出騷，而服飾形象設計師就係由 莊子璇 負責。
Honey Punch話咁快就成軍一周年，6位成員回望過去都有好多回憶，稍後仲有連串工作同慶祝活動，佢哋話暑假會有好多場校園巡演，之後再搞興祝活動。
