詹天文Windy 密鑼緊鼓與舞蹈員們為即場舉行嘅演唱會排舞，呢日見到Windy狀態大勇，雖然未正式演出，但經已爆炸力十足，距離開騷嘅日子越嚟越近，Windy都難掩興奮心情。當中有一段十分鐘勁歌熱舞，Windy就花咗好長時間去練習，仲特別做健身加強體能去應付呀。
除咗做gym同排舞，Windy話現時經已完全閉關為演出做足準備，希望到時以最佳狀態示人。佢話自己不斷喺屋企練歌同培養喺台上情緒，同時預告會淚曬舞台，因為個性較感性易喊。
Windy之前未肯透露嘉賓嘅身份，今次佢就透露多少少嘉賓嘅資料，指對方係一位男歌手，仲要係佢兒時就聽對方嘅廣東歌，唔知道大家又估唔估到係邊位呢？
