今個月8號就係林雪嘅 62 歲生日，近年主力喺內地發展嘅佢，日前喺社交平台上分享咗一段以「一個人的生日也值得被祝福」為題嘅短片，片中林雪獨自慶祝生日，仲叫大家留言祝佢生日快樂。
林雪喺片中貫徹佢嘅貼地風格，影片第一句就已經爆粗口：「X呢個邊X個嚟㗎？都唔X似我個樣嘅，X你。」林雪就叫負責拍片嘅人先拍枱面上印有Q版財神圖案嘅蛋糕，然後再將鏡頭影返佢，之後林雪就對鏡頭講：「我生日呀，一個人孤獨嘅生日，都係生日吖，係咪？我知道你哋一定會同我講一聲『阿雪，生日快樂，永遠快樂』多謝你哋，同埋多謝記得我生日嘅朋友。」
本身行緊感性嘅畫風，但林雪突然將畫風夾硬改變：「X你老母，講咁多嘢！Happy Birthday To Me啊，OK？Thank you！」之後畫面就影住個蛋糕，而林雪就係鏡頭後唔知同邊個講：「咩冇人同我慶祝呀，都唔個幾X多人同等慶祝！」片尾仲要配埋煙花特效，為呢場「一個人嘅生日派對」畫下熱鬧嘅句號。
