羅冠蘭、徐榮、施焯日、林秀怡、吳偉豪及胡敏芝等，呢日TVB熱播劇《非份之罪》兩個單元演員列陣現身宣傳活動，該劇播出後大獲好評，尤其係吳啟華、貝安琪打頭陣嘅「無臉女屍」，二人特意拍片叫觀眾繼續支持《非份之罪》。
myTV SUPER重溫《非份之罪》
活動上播出接落嚟兩個單元「一億殺機」、「危險遊戲」嘅宣傳片，徐榮喺「一億殺機」飾演智障人士角色，跟陳煒上演引人遐想嘅戲份，睇到在場人士嘩嘩聲，徐榮爆呢個係煒哥嘅一個計劃。
冠蘭姐難得喺公仔箱出現，觀眾都好期待睇到佢嘅演出，冠蘭姐都好享受喺「危險遊戲」單元，跟多位年輕演員合作，冠蘭姐讚呢個劇本嘅吸引力好大，仲話自己好耐冇拍劇，想接觸同觀察年輕演員點去演繹角色，縮窄代溝。
吳偉豪喺「危險遊戲」一改平時乖乖仔形象，化身壞男人，吳偉豪笑指冇負擔，反而仲覺得今次演出好輕鬆、好自在，終於可以釋放另一面畀大家睇，吳偉豪話希望觀眾睇完唔會憎佢啦！
胡敏芝喺劇中有性感演出，話自己拍攝時每晚同冠蘭姐喺公司飯堂食飯，冠蘭姐問點解唔食多啲，胡敏芝解釋因拍泳裝露肚，只好刻意節食。
